વડોદરાના સુભાનપુરા વિસ્તારમાં આજે સવારે એક બંધ કોચિંગ ક્લાસમાં આગ લાગતા ધુમાડા છવાયા હતા અને તેને પગલે કોમ્પલેક્ષમાં નાસભાગ મચી હતી. સુભાનપુરા વિસ્તારના ચાણક્ય કોમ્પ્લેક્ષમાં ત્રીજા માળે બે કોચિંગ ક્લાસ આવેલા છે. જેમાં એક ક્લાસને સીલ મારવામાં આવ્યું છે જ્યારે બીજા ક્લાસમાં વિદ્યાર્થીઓ કોચિંગ લઈ રહ્યા હતા. આજે સવારે બંધ ક્લાસમાં એસીમાં શોર્ટ સર્કિટ થતા ધુમાડા નીકળ્યા હતા અને તેને પગલે જે ક્લાસ ચાલુ હતો તેના વિદ્યાર્થીઓ ગભરાઈને નીચે ઉતરી ગયા હતા. ફાયર બ્રિગેડને જાણ થતા આગ કાબુમાં લીધી હતી. આ બનાવમાં કોઈ જાનહાનિ થઈ ન હતી.
Advertisement
