વડોદરા શહેરના આજવા રોડ ઉપર આવેલ પાલ્મ વ્યુ ફ્લેટમાં મકાન ભાડે રાખી જુગાર રમાડતી મહિલા સહિત પોલીસે 9 જુગારીઓને ઝડપી પાડી જુગાર રમાડનાર સાગરીતને વોન્ટેડ જાહેર કર્યો છે. બાપોદ પોલીસ ટીમને ચોક્કસ માહિતી મળી હતી કે, સયાજીપુરા ટાઉનશીપ રોડ ખાતેના પાલ્મ વ્યુ ફ્લેટ નંબર એ 502 માં ભાડુઆત સોનલ તથા તેનો ઓળખીતો અજય પરમાર જુગાર રમાડે છે.
જેના આધારે પોલીસે દરોડો પાડી બાતમી મુજબના સ્થળેથી નાનુ ચંદ્રેશસિંહ પટેલ, ભારતી નાનુભાઈ પટેલ (બંને રહે -લક્ષ્મીનગર ,આજવા રોડ), વીણા હિતેશભાઈ પંચાલ, ગીતા ધર્મેશભાઈ સોની, ચંકી ગોપીચંદ રાજપાલ, અનિલ દત્તારામ ફલાસ્કર, (ચારેય રહે -સ્વાદ કવોટરસ, હરણી રોડ), ભુપેન્દ્ર જબ્બર સિંહ રાઠોડ (રહે- અર્બન હાઉસિંગ બોર્ડ ,દંતેશ્વર), સુરેશ કનૈયાલાલ ખત્રી(રહે- શિવજી કોમ્પલેક્ષ ,ટાવર ચાર રસ્તા પાસે), સોનલ મનોજભાઈ શર્મા (રહે -પાલમ વ્યુ, આજવા રોડ )ને ઝડપી પાડી અજય ચંદુભાઈ પરમાર (રહે -વડોદરા )ને વોન્ટેડ જાહેર કર્યો હતો. ધરોડા દરમિયાન પોલીસે અંગઝડતીના રૂ.20,700 , જમીન દાવના રૂ.14,540, 7 નંગ મોબાઈલ ફોન સહિત કુલ રૂ. 65240 નો મુદ્દામાલ કબજે કરી આરોપીઓની જુગારધારા હેઠળ અટકાયત કરી હતી.
