કરજણ નજીક ટ્રેલરે કપચી ભરેલા હાઇવા ટ્રકને ટક્કર મારતા કપચી રોડ પર પથરાતા ટ્રાફિક જામ સર્જાયો.

વડોદરા જિલ્લામાંથી પસાર થતા રાષ્ટ્રીય ધોરીમાર્ગ નંબર ૪૮ પર આવેલા કરજણ નજીક એક કપચી ભરેલા હાઇવા ટ્રકને ટ્રેલરે ટક્કર મારતા હાઈવા ટ્રકનું ફાલકુ તૂટી જતા કપચી રોડ પર પથરાઈ જતા ટ્રાફિકજામ સર્જાયો હતો. ટ્રાફિક જામના પગલે થોડા સમય માટે વાહન વ્યવહારને અસર થવા પામી હતી. કપચી માર્ગ પર પથરાઈ જતા કપચીની ઢગલો થઇ જવા પામ્યો હતો. સદનસીબે કોઈ જાનહાની ન સર્જાતા લોકોએ હાશકારો અનુભવ્યો હતો. પરંતુ થોડીવાર માટે હાઇવે પર વાહનચાલકોને મુશ્કેલીમાં મુકાવાનો વારો આવ્યો હતો.

યાકુબ પટેલ : કરજણ