બરોડા યુથ ફેડરેશન દ્વારા પી.એમ. ના દીર્ઘાયુ માટે નવતર પ્રયોગ.

વડોદરામાં પ્રધાનમંત્રી નરેન્દ્ર મોદીના દીર્ઘાયુ માટે બરોડા યુથ ફેડરેશન દ્વારા એક અનોખો અને નવતર પ્રયત્ન કરવામાં આવ્યો છે. વડોદરાના કારેલીબાગ ખાતે બરોડા યુથ ફેડરેશન દ્વારા નરેન્દ્ર મોદીના દીર્ઘાયુ જીવન માટે પતંગ પર ઓમ નમઃ શિવાય અને તેમના માટે શુભ મંગલ વાક્યો લખી ઉતરાયણ પર્વ નિમિત્તે આ પતંગ બાળકોને વિતરણ કરી દેશના વડાપ્રધાન નરેન્દ્ર મોદીના દિર્ધાયુષ્ય માટે પ્રાર્થના કરવામાં આવશે.

અત્રે નોંધનીય છે કે તાજેતરમાં વડાપ્રધાન નરેન્દ્ર મોદી સાથે પંજાબમાં બનેલ ઘટના બાદ સમગ્ર દેશમાં ઠેકઠેકાણે અને ગુજરાત રાજ્યમાં પણ ધરણાં આંદોલન સહિતના કાર્યક્રમો કર્યા છે તેવામાં પતંગ પર સુવાક્યો લખી બાળકોને આપી નરેન્દ્ર મોદીના દીર્ઘાયુષ્ય માટે એક નવતર પ્રયોગ કરવામાં આવ્યો.