વડોદરાના માંજલપુરના ભાજપના ધારાસભ્યની પાર્ક કરેલ કારમાં આગ લગાવનાર ઇસમ ઝડપાયો.

વડોદરાના માંજલપુર વિસ્તારમાં ધારાસભ્યની કારમાં આગ લગાડનાર ઇસમને ગણતરીના કલાકોમાં શોધી કાઢતી રાવપુરા પોલીસ સ્ટેશન ટીમ. આ અંગે વિગતે જોતા ભાજપના ધારાસભ્ય અને ગુજરાત સરકારના પૂર્વ મંત્રી યોગેશ પટેલની જ્યુબિલી બાગ પાસે પાર્ક કરેલી ઇનોવા ગાડીમાં રાત્રિના સમયે અચાનક આગ લાગવાની ઘટનામાં અગાઉ શોર્ટ સર્કિટના કારણે આગ લાગી હોવાનું તારણ બહાર આવી રહ્યું હતું. જોકે, કારના ડ્રાઇવરે આપેલી પોલીસ ફરિયાદ બાદ પોલીસે તપાસ કરતા કારને સળગાવવામાં આવી હોવાનું જાણવા મળ્યું છે. પોલીસે કારમાં આગ લગાવનાર આરોપી હનીસ મોહમ્મદ હનીફ દારૂવાલાને ઝડપી પાડયો છે. ધારાસભ્યની કારના ડ્રાઇવર ગૌરવ પટેલે રાવપુરા પોલીસ સ્ટેશનમાં નોંધાવેલી ફરિયાદ બાદ પોલીસે ગુનાવાળી જગ્યા તથા આજુબાજુ લાગેલ સીસીટીવી કેમેરાની ફુટેજો મેળવી ફુટેજોનું બારીકાઈથી નીરીક્ષણ કરી સીસીટીવી ફુટેજ આધારે આરોપીની ઓળખ કરી અંગત બાતમીદારો રાહે હકિકત મેળવી આરોપી નામે મોહંમદઅનીશ મોહંમદહનીફ દારૂવાલા ઉ.વ ૪૪ રહે. દારૂવાલા મેન્શન મોગલવાડા વાડી વડોદરા શહેરનાને ગણતરીના કલાકોમાં શોધી ધરપકડ કરવામાં આવી.