વડોદરામાં મહિલા બુટલેગરોને પુનઃવસન માટે સહાય કરતી શી ટીમ.

વડોદરામાં આત્મનિર્ભર પ્રોજેક્ટ હેઠળ મહિલા બુટલેગરને પુનઃવસન માટે વ્યવસાય માટે જરૂરી સાધનોની શી ટીમે સહાય કરી હતી.

વડોદરામાં પ્રોહિબિટેડ પ્રવૃત્તિને અંકુશમાં લાવી મહિલા બુટલેગરોને દારૂનો વ્યવસાય છોડી સારા વ્યવસાય તરફ વળવા માટે સમાજમાં પુનઃ વસનની કામગીરી કરવામાં આવતા આ કામગીરી અંતર્ગત મહિલા બુટલેગરોનું કાઉન્સિલિંગ કરી તેઓ સ્વમાન સાથે સમાજમાં રહી શકે તેવા આશયથી બે મહિલા બુટલેગર પ્રેમીલાબેન રાજુભાઈ કહાર રહેવાસી કિશનવાડી,વડોદરા તથા ઉષા રમેશ છોટાભાઈ કહાર રહેવાસી જે.પી વાડી ઝુપડપટ્ટી, વડોદરાને વડોદરા શી ટીમના પ્રયત્નથી પ્રેમપ્રકાશ આશ્રમ નામની સંસ્થા દ્વારા શાકભાજીનાં વ્યવસાય માટે હાથલારી આપવામાં આવેલ છે જેનાથી તેઓ પોતાનું ગુજરાન ચલાવી શકે અને સમાજમાં પુનઃવસન કરી શકે છે.