વડોદરાના કરજણ ઘાવટ ચોકડીથી સાધલી તરફ જી.ઇ.બી પાસે બે બાઈકો વચ્ચે અકસ્માત સર્જાયો હતો. અકસ્માતમાં ઘવાયેલા લોકોને તાત્કાલિક ધોરણે ૧૦૮ મારફત કરજણ સામુહિક આરોગ્ય કેન્દ્ર ખાતે સારવાર અર્થે ખસેડવામાં આવ્યા હતા.
આ બનાવની મળતી વિગતો અનુસાર વડોદરાના કરજણ ધાવટ ચોકડીથી સાધલી તરફ જતા માર્ગ પર જી.ઇ.બી પાસે બે બાઇક વચ્ચે અકસ્માત સર્જાયો હતો. બાઈકચાલક રિક્ષાને ઓવરટેક કરી આગળ જવા નીકળતો હોય તે સમયે તે અન્ય બાઇક સાથે અથડાઇ ગયો હતો. કરજણના કુરાલીના બાઈક ચાલકની હાલત નાજુક હોવાથી તાત્કાલિક ૧૦૮ નો સંપર્ક કરી ઘવાયેલા બાઈક ચાલકને પ્રાથમિક સારવાર અર્થે કરજણના સામુહિક આરોગ્ય કેન્દ્ર ખાતે ખસેડવામાં આવ્યા હતા. અકસ્માત સર્જાતા કરજણ પોલીસે વિધિવત તપાસ હાથ ધરી છે.
Advertisement
