વડોદરાના કમાટીબાગની નર્સરીમાં આગ લાગતા ભારે દોડધામ.

વડોદરાના કમાટી બાગમાં આવેલ નર્સરીમાં આજે સવારે આગ લાગી હતી. નર્સરીમાં મોટા પ્રમાણમાં સૂકા લાકડા પડ્યા હોય જેમાં અચાનક જ આગનો બનાવ બનતા તાત્કાલિક ધોરણે કર્મચારીઓએ બ્રિગેડને જાણ કરતા ફાયર બ્રિગેડનો કાફલો ઘટનાસ્થળે દોડી ગયો હતો. વડોદરામાં મનપાના ડેપ્યુટી કમિશનરના બંગલાની બાજુમાં જ આવેલી આ નર્સરીમાં અચાનક જ આગનો બનાવ બનતા ડેપ્યુટી કમિશનર પણ થોડી ક્ષણો માટે હતપ્રભ બની ગયા હતા પરંતુ ફાયર બ્રિગેડના કાફલાએ તાત્કાલિક ધોરણે ઘટનાસ્થળે પહોંચી આગ પર પાણીનો મારો ચલાવી આગને કાબુમાં લેવાના પ્રયત્નો હાથ ધર્યા હતા. સદનસીબે આ બનાવમાં કોઈ પણ પ્રકારની જાનહાની ન થતાં લોકોને હાશકારો થયો હતો.