બાબત ઘણી સામાન્ય છે પણ સમજવા જેવી છે કાયદાની અજ્ઞાનતાને લઈ પોતાના નીકળતા હકો માટે છેલ્લા ૨૦ વર્ષથી લડત ચલાવી રહેલી મહિલાના પડખે કાયદાના જાણકાર અને નિવૃત્તિનો સમય વ્યતીત કરી રહેલા નિવૃત્ત પોલીસ કર્મચારી મંડળ મહિલાને ન્યાય નહીં મળતા મહિલાએ આત્મ વિલોપનની ચીમકી ઉચ્ચારી હતી. જેની સામે પોલીસે કાર્યવાહી કરી હતી પણ ન્યાય અપાવવાનું ટાળ્યું હતું.
વડોદરાની એમએસ યુનિવર્સિટીની લેબોરેટરીમાં લેબ એટેન્ડન તરીકે બાબુભાઈ માળી ફરજ બજાવતા હતા જેમની ૨૦ વર્ષ પૂર્વે ફરજ દરમિયાન એટેક આવતા મોત નીપજ્યું હતું જેમાં મોત બાદ જે તે સમયે રેમરાહે વર્ગ ત્રણ અને વર્ગ ચારના કર્મચારીના આશ્રિતને નોકરી આપવાનો નિયમ હોઈ બાબુભાઇના પત્ની પસીબેને પુત્ર સંતોષને નોકરી મળી રહે તેની અરજી કરી હતી પરંતુ જે તે સમયે લાગવતથી હકદરને નહીં પણ ત્રાહિત વ્યક્તિને નોકરી અપાઈ હતી.
મૃતક બાબુભાઈના વારસદારોને નોકરી નહીં મળતા પસીબેને એમએસ યુનિવર્સિટીના સત્તાધીશોને વારંવાર રજૂઆત કરી હતી તેમ છતાં યુનિવર્સિટીના સત્તાધીશો દ્વારા ૨૦ વર્ષ બાદ પણ મચક નહીં અપાતા પસીબેને આત્મવિલોપનની ચીમકી આપી હતી અને જે ચીમકીને લઈ પોલીસ દ્વારા પસીબેન સામે કાર્યવાહી કરી હતી પણ જે કારણ માટે પસીબેને આત્મવિલોપનની ચીમકી ઉચ્ચારી હતી તે દિશામાં પોલીસે તપાસ કરવાનું ટાળ્યું હતું. સ્થાનિક કક્ષાએ વારંવારની રજૂઆત અને આત્મવિલોપનની ચીમકી બાદ પણ ન્યાય નહીં મળતા પસીબેને પીએમઓમાં ઓનલાઇન ફરિયાદ કરતા તપાસ સયાજીગંજ પોલીસને સોંપાઈ હતી પરંતુ સયાજીગંજ પોલીસે પણ એક તરફી તપાસ કરી પીએમઓમાં જવાબ કરાયો હતો જેને લઈ મજબૂર વિધવા મહિલાને ૨૦ વર્ષ વિત્યા બાદ પણ ન્યાય નહીં મળતા મહિલાના પડખે વડોદરા શહેર-જિલ્લા નિવૃત્ત પોલીસ કર્મચારી મંડળ આવ્યું છે.
