વાંકાનેર શહેરના આંબેડકરનગર વિસ્તારમાં જૂની અદાવતનો ખાર રાખીને બે પાડોશી ઇસમેં દંપતી સહિતના ત્રણને માર મારી ઈજા કરી હતી અને જાનથી મારી નાંખવાની ધમકી આપી હોય જે બનાવ મામલે પોલીસ મથકમાં ફરિયાદ નોંધાઈ છે.
વાંકાનેરના ડો. આંબેડકરનગરમાં રહેતા જયશ્રીબેન દિનેશભાઈ ઝાલાએ પોલીસ ફરિયાદ નોંધાવી છે કે ગત તા. ૦૮ જુલાઈના રોજ સાંજે પાડોશી દીપક બાબુભાઈ વાઘેલા શેરીમાંથી નીકળ્યા ત્યારે જેમ ફાવે તેમ બોલતા હતા જેથી બોલાચાલી થઇ હતી અને આ બાબતે ફરિયાદ કરી ના હતી. અગાઉ સમાજના માણસોએ દીપકભાઈ જે દારૂ પી શેરીમાં જેમ ફાવે તેમ બોલતો હોય જેથી અરજી આપી હતી જે બાબતનો ખાર રાખી આરોપી દીપક બાબુભાઈ વાઘેલાએ ફરિયાદી જયશ્રીબેન, તેના પતિ દિનેશભાઈ ઝાલા અને નણંદ ઇન્દુબેન વઘાસીયાથી વ્યવહારિક કામ પૂર્ણ કરી ઘરે આવ્યા હોય ત્યારે જેમ ફાવે તેમ બોલા લાગ્યો હતો અને જયશ્રીબેનને ઢીકા પાટું માર મારી પતિ અને નણંદને માર મારતા હતા ત્યારે વિસ્તારના લોકો આવી જતા વધુ માર મારતા બચાવ્યા હતા તેમજ જાનથી મારી નાખવાની ધમકી આપી હતી. આમ આરોપી દીપક બાબુભાઈ વાઘેલાએ જૂની અદાવતનો ખાર રાખી ફરિયાદી મહિલા, તેના પતિ અને નણંદને માર મારી ધમકી આપ્યાની ફરીયાદ નોંધાવી છે પોલીસે ફરિયાદ નોંધી વધુ તપાસ ચલાવી છે.
