(કાર્તિક બાવીશી )વલસાડ ના નંદાવલા ગામની 4 વર્ષની બાળકી વાંશિકા મિતેશભાઈ નાયકા ને. ગત તારીખ 02/08/2018 નારોજ વલસાડ આરોગ્ય વિભાગ ના કર્મચારીઓ એ આંગણવાડી માં ઓરી – રુબેલા ની રસી આપ્યા બાદ આ માસૂમ બાળકીને તાવ આવ્યો હતો. જેના માટે આરોગ્ય વિભાગ દ્વારા તે સમયે તાવ ઉતારવા માટે દવા આપવા મા આવી હતી તેમ છતાં તાવ ન ઉતરતા ગતરોજ તેને વલસાડ ની કસ્તુરબા હોસ્પિટલમાં સારવાર માટે લાવી રહિયા હતા તે દરમિયાન રસ્તા માં આ માસૂમ બાળકીએ જીવ ગુમાવ્યો હતો. જેને લઇને પરિવાર જનો અને ગ્રામજનો માં ભારે રોષ ફેલાયો હતો. આ સાથે આજ ગામના બીજા બે બાળકોને આજ પ્રકાર ની રસી આપી હોવાથી તે બાળકોને પણ તાવ ન ઉતરતા બાળકોને વલસાડ ની લોટશ હોસ્પિટલ માં ખસેડવામાં આવ્યા છે. આ બનાવ અંગે સરોન – નંદાવલા જૂથ ગ્રામપંચાયત ના સરપંચ પ્રીતેશ ભાઈ ગુણવંત ભાઇ પટેલ એ આરોગ્ય વિભાગ અને પોલીસ ને જાણ કરી હતી. અને જણાવ્યું હતી કે, આ રસી મૂક્યાં બાદ બાળકોને તાવ આવે છે. પણ આરોગ્ય વિભાગ ના કર્મચારીઓ આ બાબતે કોઈ ધ્યાન આપતા નથી.
