ભરૂચ જીલ્લાના ઝઘડિયા ખાતે તાલુકા પંચાયત દ્વારા આજે તારીખ ૬ ના રોજ તાલુકા પંચાયત હસ્તકની વિવિધ ગ્રામ પંચાયતોને સરકારની વિવિધ યોજનાઓ જેવી કે આયોજન મંડળ, સ્ટેમ્પ ડ્યુટી, ગુજરાત પેટર્ન, જિલ્લા પંચાયત સ્વભંડોળ વગેરે યોજનાઓના મંજુર થયેલા કામોના વર્ક ઓર્ડર વિતરણ કરવામાં આવ્યા હતા. તાલુકા પંચાયત ખાતે યોજાયેલ આ કાર્યક્રમમાં તાલુકાની ગ્રામ પંચાયતોને કુલ રુ. ૫૬૪ લાખના કુલ ૧૮૨ કામોના વર્ક ઓર્ડર વિતરણ કરવામાં આવ્યા હતા. આ વિતરણ કાર્યક્રમમાં તાલુકા પંચાયતના પ્રમુખ રીનાબેન વસાવા, ઉપપ્રમુખ પ્રકાશભાઈ દેસાઈ, તાલુકા વિકાસ અધિકારી, તાલુકા પંચાયતના સદસ્યો, વિવિધ ગ્રામ પંચાયતોના સરપંચો સહિત અન્ય આગેવાનો ઉપસ્થિત રહ્યા હતા. તાલુકા પંચાયતના પદાધિકારીઓના હસ્તે વિવિધ ગ્રામ પંચાયતોને વર્ક ઓર્ડર વિતરણ કરવામાં આવ્યા હતા.
ગુલામહુશેન ખત્રી રાજપારડી જી.ભરૂચ
Advertisement
