ઝઘડીયા : રાજપારડી પોલીસે બે વર્ષની ગુમ થયેલ બાળકીને શોધીને પરિવારને સોંપી.

ભરૂચ જિલ્લાના ઝઘડીયા તાલુકાનાં રાજપારડી ગામે રેલવે નવી વસાહતમાં રહેતા રવિનાબેન ગણેશભાઇ વસાવાની હનીકુમારી નામની બે વર્ષની પુત્રી ઘરના આંગણામાં રમતા રમતા ક્યાંક જતી રહેલ.બાળકી ગુમ થતાં તેના પરિવારજનો ચિંતિત થઇ ગયા હતા. આજુબાજુ શોધવા છતાં બાળકીનો પતો ન લાગતા રાજપારડી પોલીસને જાણ કરવ‍ામાં આવી હતી. પોલીસે પી.એસ.આઇ જે.બી.જાદવના માર્ગદર્શન હેઠળ આ ગુમ થયેલ બાળકીની શોધ કરતા બાળકી રાજપારડીમાં જ એક બંધ મકાનના ઓટલા પાસે એકલી રમતી મળી આવી હતી. પોલીસે બાળકી તેના પરિવારને સોંપતા પરિવારજનોમાં ખુશી ફેલાઇ હતી.

ગુલામહુશેન ખત્રી રાજપારડી જિ.ભરૂચ