ઝઘડિયા તાલુકામા ગઇકાલે દક્ષિણ ગુજરાત વીજ કંપની દ્વારા આકસ્મિક વીજ ચેકીંગ હાથ ધરાયુ હતુ. વીજ ચેકીંગ દરમ્યાન સુરક્ષાનાં કારણોસર ઝઘડિયા પોલીસ ટીમ પણ વિજીલન્સ ટીમ સાથે હાજર રહી હતી. ડીજીવીસીએલ ની વીસથી વધુ ટીમો દ્વારા અવિધા ફીડરના કરાડ, રતનપોર, સીમધરા વગેરે ગામોમાં તથા શીયાલી ફીડરના પાનવાડી, બોરજાઇ, વાસણા, ભોજપુર, મોરણ વગેરે ગામોનાં વિજ જોડાણોની ચકાસણી કરાતા મોટી સંખ્યામાં વીજ ચોરી ઝડપાવા પામી હતી. વીજ કંપનીની આ રેઇડ બાદ વીજ ચેકીંગ દરમ્યાન ગેરરીતિમાં પકડાયેલા વીજ ગ્રાહકો પાસેથી રૂ.૧૧ લાખથી વધુનો દંડ વસુલાયો હતો. વીજ કંપનીના આ ચેકીંગને પગલે વીજ ચોરોમાં ફફડાટ ફેલાયો હતો.
ગુલામહુશેન ખત્રી રાજપારડી જિ.ભરૂચ
Advertisement
