ભરૂચ જીલ્લાના ઝધડિયામાં સગીરાના અપહરણનાં ગુનામાં ફરાર આરોપીને ભરૂચ પેરોલ ફર્લો સ્ક્વોર્ડની ટીમે ઝડપી લઈ રાજપારડી પોલીસને હવાલે કર્યો હતો.

ઝધડિયા પોલીસ સ્ટેશન ખાતે ઈપીકો કલમ 363, 366 તથા પોકસો એકટ (12) મુજબના ગુનામાં નાસતો ફરતો આરોપી અજય બીજલ વસાવા રહેવાસી નાની ખંડોલી ગામ, તાલુકો ઝધડિયા અંગે ભરૂચ પેરોલ ફર્લો સ્ક્વોર્ડની ટીમને બાતમી મળી હતી કે આરોપી તેના ગામ ખાતે રહે છે. આથી પોલીસ ટુકડીએ નાની ખંડોલી ગામ ખાતે પહોંચી જઈ અપહરણના આરોપી અજય બીજલ વસાવાની અટકાયત કરી હતી અને તેની ચૂંગાલમાંથી ભોગ બનનાર સગીરાને છોડાવી રાજપારડી પોલીસ સ્ટેશનમાં આગળની કાર્યવાહી અર્થે સોંપી દીધી હતી.