ઝઘડીયાના પડવાણીયા ગ્રામ પંચાયતના ઉપ સરપંચ પદે રમેશભાઈ વસાવાની વરણી.

ભરૂચ જિલ્લાના ઝઘડીયા તાલુકાના પડવાણીયા ગામે હાલમાં યોજાયેલ ગ્રામ પંચાયતની ચુંટણીમાં કુલ સાત પેનલો ચુંટણી જંગમાં હતી. જેમાં સરપંચ તરીકે સીમાબેન ઉમેશભાઇ વસાવાની ૧૨૪ મતોની સરસાઇથી જીત થઇ હતી. પડવાણીયા, દરિયા, પીપરીપાન, ગુલાફળિયા તેમજ દમલાઇ એમ પાંચ ગામો ધરાવતી પડવાણીયા ગ્રુપ ગ્રામ પંચાયતની ચુંટણીમાં સરપંચ સીમાબેન વસાવાની પેનલના કુલ આઠમાંથી છ સભ્યો વિજયી થયા હતા. આજરોજ ગ્રામ પંચાયતના ઉપ સરપંચની વરણી માટે તલાટી અને અધ્યાસી અધિકારી જસવંતભાઇ વસાવાની ઉપસ્થિતિમાં યોજાયેલ ઉપ સરપંચની ચુંટણીમાં ઉપ સરપંચ તરીકે રમેશભાઈ પારસીંગભાઇ વસાવાને જાહેર કરવામાં આવતા ગ્રામજનો અને અગ્રણીઓએ તેમને વધાવી લીધા હતા. આ પ્રસંગે ઉમેશભાઇ વસાવા, કનુભાઇ વસાવા સહિત ગ‍ામ અગ્રણીઓએ નવ નિયુક્ત સરપંચ ઉપ સરપંચને અભિનંદન આપ્યા હતા.

ગુલામહુશેન ખત્રી રાજપારડી જિ.ભરૂચ