ભરૂચ જિલ્લાના ઝઘડીયા તાલુકાના મોરણ ગામે ગાડીમાં જઇ રહેલા કેટલાક ઇસમો ગાળો બોલી ચીચીયારીઓ પાડતા હોઇ, તેમ કરવાની ના પાડતા આ ઇસમોએ ના પાડનારને માર માર્યો હોવાનો બનાવ બન્યો છે.
ઝઘડીયા પોલીસના જણાવ્યા મુજબ તા.૧૮ મીના રોજ મોરણ ગામે કેટલાક ઇસમો તેમની ગાડીમાં જતા હતા, તે દરમિયાન આ ઇસમો ગાળો બોલીને ચીચીયારીઓ પાડતા હોઇ મોરણ ગામના ભારસીંગ પ્રિતમભાઇ વસાવાએ તેમને ગાળો બોલવાની ના પાડાતા આ લોકો એક સંપ થઇને માર માર્યો હતો. તેને લઇને ભારસીંગભાઇ તેમજ અન્ય એક ઇસમને ઇજા થવા પામી હતી. ઘટના બાબતે મોરણના ભારસીંગ પ્રિતમભાઇ વસાવાએ મિતેશ સુરેશ વસાવા, સુંદર મથુર વસાવા, નવીન ભારમલ વસાવા, અલ્પેશ સુભાષ વસાવા, અરુણ સુભાષ વસાવા તેમજ પરેશ કિરણ વસાવા તમામ રહે.ગામ મોરણ તા.ઝઘડીયા જિ.ભરૂચના વિરુધ્ધ ઝઘડીયા પોલીસમાં ફરિયાદ લખાવી હતી.
Advertisement
ગુલામહુશેન ખત્રી રાજપારડી જિ.ભરૂચ
