ભરૂચ – વિકાસ કમિશનરશ્રી, ગાંધીનગરના આદેશાનુસાર ભરૂચ જિલ્લા પંચાયત તેમજ જિલ્લાની તમામ તાલુકા પંચાયતોની સામાન્ય ચૂંટણીઓ પૂર્ણ થયા બાદ હવે પ્રમુખ અને ઉપપ્રમુખ પદની વરણી માટે ખાસ સભાઓ યોજાનાર છે.
ભરૂચ જિલ્લા પંચાયતના પ્રમુખ તથા ઉપપ્રમુખની ચૂંટણી માટેની ખાસ બેઠક આગામી તા. 23 મે, 2026ના રોજ બપોરે 12:00 કલાકે જિલ્લા પંચાયત ભરૂચના સભાખંડ ખાતે યોજાશે.
આ ઉપરાંત ભરૂચ જિલ્લાની તમામ તાલુકા પંચાયતોના પ્રમુખ અને ઉપપ્રમુખની ચૂંટણી માટેની પ્રથમ બેઠક તા. 25 મે, 2026ના રોજ સંબંધિત તાલુકા મથકોએ યોજાશે. આ બેઠકોને લઈ જરૂરી નોટિસો તથા ચૂંટણી પ્રક્રિયા સંબંધિત નમૂનાઓ તાલુકા વિકાસ અધિકારીઓ (TDO)ને મોકલી આપવામાં આવ્યા હોવાનું જાણવા મળે છે.
જિલ્લા તથા તાલુકા પંચાયત સ્તરે પ્રમુખ-ઉપપ્રમુખની ચૂંટણી પ્રક્રિયા સમયસર અને નિયમબદ્ધ રીતે પૂર્ણ થાય તે માટે તંત્ર દ્વારા જરૂરી સૂચનાઓ આપી દેવાઈ હોવાનું પણ સત્તાવાર રીતે જણાવાયું છે.
