ભરૂચ.
ભરૂચ રેલવે પોલીસની ટીમ ભરૂચ રેલવે સ્ટેશનના પ્લેટફોર્મ નંબર 3 પર હાજર હતી તે વેળાં સૌરાષ્ટ્ર મેલ ટ્રેન આવતાં આરપીએફના બે જવાનોએ રિઝર્વેશન કોચમાંથી એક પેસેન્જરને પકડી તેમને સોપ્યો હતો. પોલીસે તેને સ્ટેશનમાં લઇ જઇ પુછપરછ કરતાં તેનું નામ ઉવેશ મોહમદ મંગેરા (ઉવ.20) રહે. વાપી, જન સેવા રોડ હોવાનું જણાવ્યું હતું. ટીમે તેની પાસેથો કાળા કલરનો થેલો તપાસતાં તેમાંથી તેમને 180 એમએલની દમણ બનાવટની કુલ 24 બોટલો મળી આવી હતી. પ્રાથમિક તબક્કે વાપીનો યુવાન દમણથી લાવેલાં દારૂ સાથે ભરૂચ તરફ કેમ આવ્યો તેવો પ્રશ્ન ઉભો થયો હતો. જોકે, તેણે પોલીસ સમક્ષ તે દારૂ પોતાને પિવા માટે લાવ્યો હોવાની કબુલાત કરતાં પોલીસે તે માની લઇ તે ભરૂચમાં કોઇને આપવા આવ્યો હતો કે કેમ તે સહિતની તપાસ કર્યાં વિના તેના નિવેદનના આધારે તેની સામે ગુનો નોંધી આગળની કાયદેસરની કાર્યવાહી હાથ ધરી છે.
