અંકલેશ્વર નગરપાલિકા દ્વારા શહેરની જનતાના સુખાકારી માટે વિવિધ યોજનાઓનો લાભ નગરપાલિકામાં આવતા દરેક વોર્ડમાં સુધી પહોચે તે હેતુથી સરકાર અને નગરપાલિકાના ગ્રાન્ટમાંથી જનતાને મળવાપાત્ર માળખાકીય સુવિધાઓ પૂરી પાડવા માટે નગરપાલિકા દ્વારા રોડ રસ્તા સહિતની કામગીરીઓ કરવામાં આવતી હોય છે જેના ભાગરૂપે આજરોજ અંકલેશ્વર નગરપાલિકાના આવેલા વોર્ડ નંબર 2 હરીનગર વિસ્તારમાં અને વોર્ડ નંબર 5 ના ગુજરાત હાઉસિંગ બોર્ડના હસ્તી તળાવ વિસ્તારમાં રૂપિયા દસ લાખના ઉપરાંતના ખર્ચે પેવર બ્લોક અને આરસીસી રોડનું ખાતમુહૂર્ત નગરપાલિકા પ્રમુખ વિનય વસાવાના હસ્તે કરવામાં આવ્યું હતું.
આ પ્રસંગે ભારતીય જનતા પાર્ટીના પ્રમુખ નરેન્દ્રભાઈ, વિરલ બેન, શિલ્પાબેન, ભાવેશભાઈ સહિત વોર્ડના સભ્યો અને સ્થાનિકો ઉપસ્થિત રહ્યા હતા.
Advertisement
