કરજણ તાલુકાના કરમડી ગામે સ્વામિનારાયણ ફળિયામાં અનિરુદ્ધભાઈ જયેશભાઈ પટેલ નાઓ પરિવાર સાથે રહે છે અને વાઘોડિયા પારુલ યુનિવર્સિટીમાં અભ્યાસ કરે છે. અનિરુદ્ધભાઈના પિતાએ એક વર્ષ પહેલાં કોલેજમાં અભ્યાસ અર્થે જવા આવવા માટે એક બજાજ કંપનીની KTM મોટર સાઈકલ લઈ આપેલ હોવાનું જાણવા મળે છે. તા. 13 ના રોજ રાતના પોતાની મોટર સાઈકલ ઘરની બહાર રોડ ઉપર સ્ટેરિંગ લોક મારી મૂકી હતી. જે બીજા દિવસે સવારમાં ઉપરોક્ત જગ્યાએ મોટર સાઈકલ જોવા મળી ન હતી. જે બાબતે ગામમાં તેમજ આજુબાજુ વિસ્તારમાં મોટરસાઇકલની શોધખોળ કરવા છતાં મળી આવી ન હતી. પરિણામે કોઈ ચોર ઈસમ રાતના ઘરની બહાર મુકેલ કિંમત રૂ. દોઢ લાખની મોટર સાઈકલ ચોરી કરી ગયા બાબતની ફરિયાદ મોટરસાઇકલના માલિકે નોંધાવતાં કરજણ પોલીસે ગુનો નોંધી આગળની તપાસ હાથ ધરી છે.
યાકુબ પટેલ, કરજણ
Advertisement
