માંગરોળ તાલુકા કોંગ્રેસ લઘુમતી મોરચાના પ્રમુખ પદે હથોડા ગામના ફારૂકભાઇ ઝીણાની વરણી થતાં કાર્યકરોએ વરણીને આવકારી અભિનંદન આપ્યા છે.
સુરત જિલ્લા કોંગ્રેસ લઘુમતી મોરચાના પ્રમુખ ઈકબાલભાઈ કરોડિયા સુરત જિલ્લા કોંગ્રેસ સમિતિના ઉપ-પ્રમુખ ઇરફાનભાઇ મકરાણી, મહંમદ જે.પી, અકબરભાઈ જમાદાર સહિતના આગેવાનો એ પ્રદેશ કોંગ્રેસ લઘુમતી સેલના આદેશ અનુસાર માંગરોળ તાલુકા કોંગ્રેસ લઘુમતી મોરચાના પ્રમુખ પદે હથોડા ગામના પૂર્વ ઉપ સરપંચ અને હાલમાં ઓલપાડ કાંઠા સુગરના ડિરેક્ટર તરીકે સેવા આપતા ઉત્સાહી કોંગ્રેસ કાર્યકર ફારૂકભાઇ ઝીણાની વરણી કરવામાં આવી હતી. કાર્યકરોએ વરણીને આવકારી નવનિયુક્ત પ્રમુખને અભિનંદન આપ્યા હતા તેમજ તરસાડી નગર કોંગ્રેસ લઘુમતી સેલના પ્રમુખ તરીકે ઈમ્તિયાઝભાઈ મંન્સૂરી અને જિલ્લા લઘુમતી સેલના ઉપપ્રમુખ તરીકે સલીમભાઈ મામુની નિયુક્તિ કરવામાં આવી હતી નવા વરાયેલા હોદ્દેદારોનું આગેવાનો અને કાર્યકરો દ્વારા સ્વાગત કરાયું હતું.
વિનોદ મૈસુરિયા : વાંકલ
