ઝઘડીયા તાલુકાના નવા અવિધા ગામે જુગાર રમતા પાંચ ઇસમો ઝડપાયા.

ભરુચ જિલ્લાના ઝઘડીયા તાલુકાના નવા અવિધા ગામે જુગાર રમતા પાંચ ઇસમો પાસેથી પોલીસે રૂ.૩૯૦૨૦ નો મુદ્દામાલ કબજે લઇને કાયદેસર કાર્યવાહી હાથ ધરી હતી.

રાજપારડી પીએસઆઇ જે.બી.જાદવને પેટ્રોલિંગ દરમિયાન મળેલ બાતમી મુજબ નવા અવિધા ગામે બાતમી મુજબના સ્થળે રેઇડ કરતા પાંચ ઇસમો જુગાર રમતા પકડાઇ ગયા હતા. પોલીસે ઘટના સ્થળેથી રાકેશ દિલિપ વસાવા, હસમુખ ઉર્ફે હચો રમેશભાઈ વસાવા, દેવુભાઇ સવજીભાઇ વસાવા, અનિલ રમણભાઈ વસાવા અને અભય મહેશભાઇ વસાવા તમામ રહે.ગામ નવા અવિધા તા.ઝઘડીયા જિ.ભરુચનાને કુલ રૂ.૩૯૦૨૦ ના મુદ્દામાલ સાથે ઝડપી લીધા હતા. પોલીસે આ જુગાર રમતા ઝડપાયેલ ઇસમો વિરુધ્ધ ગુનો નોંધી કાયદેસર કાર્યવાહી હાથ ધરી હતી.

ગુલામહુશેન ખત્રી રાજપારડી જિ.ભરૂચ