ભરૂચ જિલ્લાના ઝઘડીયા તાલુકાના એક ગામની ૧૭ વર્ષીય સગીર યુવતીને ગત તા.૨૭ મીના રોજ એક ઇસમ લગ્નની લાલચ આપીને પટાવી ફોસલાવીને ભગાડી ગયો હોવાની ઘટના બનવા પામી છે. સગીરાના પિતાએ ઝઘડીયા પોલીસમાં લખાવેલ ફરિયાદ મુજબ તા.૨૭ મીના રોજ તેમની સગીર વયની દિકરી બાથરુમ જવાનું કહીને ઘરની બહાર ગઇ હતી. ત્યારબાદ તે પાછી ન ફરતા તેની તપાસ કરવા છતાં મળેલ નહિ. આ યુવતીને નર્મદા જિલ્લાના જાંબારનો જશવંત વસાવા નામનો ઇસમ ભગાડી ગયો હોવાની જાણ થઇ હતી. ત્યારબાદ યુવકના ઘરે જઇને તપાસ કરવા છતાં યુવતી મળી નહતી. આ સંદર્ભે સગીરાના પિતાની ફરિયાદને લઇને પોલીસે ગુનો નોંધી કાયદેસર તપાસ હાથ ધરી હતી.
ગુલામહુશેન ખત્રી રાજપારડી જિ.ભરૂચ
Advertisement
