વડોદરાના નવાપુરા વિસ્તારમાં દૂષિત પાણીના મુદ્દે મહિલાઓનો કલેકટર કચેરીએ હલ્લાબોલ.

વડોદરાના નવાપુરામાં ઘણા લાંબા સમયથી દુષિત પાણીની સમસ્યા સર્જાય છે ત્યારે આજે આ વિસ્તારની મહિલાઓ દુષિત પાણીની ફરિયાદ લઈને કલેકટર કચેરીએ પહોંચી હતી.

વડોદરા શહેરના પાણીગેટ નવાપુરા વિસ્તારમાં રહેવાસીઓને પીવાલાયક શુદ્ધ પાણી ન મળતાં આજે આ વિસ્તારની મહિલાઓ કલેકટર કચેરીએ પોતાની રજૂઆત લઈને પહોંચી હતી. આ મહિલાઓ જણાવે છે કે અનેક વખત અમારા વિસ્તારમાં પાણી પુરવઠા વિભાગને પણ આ વિશે રજૂઆતો કરેલ છે. અમોને પૂરતા પ્રમાણમાં પાણી મળતું નથી અને જે પાણી મળે છે તે પણ દૂષિત પાણી હોય છે. આ દુષિત પાણીની બોટલમાં ભરીને નવાપુરા વિસ્તારની મહિલાઓ કલેકટર કચેરીએ હલ્લાબોલ કર્યો હતો. કોર્પોરેશનમાંથી છોડવામાં આવતું પાણી અવારનવાર દૂષિત મળે છે, પૂરતા પ્રમાણમાં પાણી ન મળતું હોય તેમજ હાલના સંજોગોમાં આ વિસ્તારમાં રહેતા લોકો મુસ્લિમ ધર્મ પાળતા હોય રમજાન મહિનો ચાલતો હોય જેમાં પૂરતુ પાણી ન મળતા અત્યંત અગવડતા પડતી હોય, આજદિન સુધી માત્ર હૈયાધારણા પૂરતા પાણી વિષયની આપવામાં આવેલ હોય, અમારા પ્રશ્નોનું નિરાકરણ ન થતા આજે કલેકટર સમક્ષ લેખિત રજૂઆત કરી અમારી માંગણી છે કે અમારા વિસ્તારમાં પુરતા પ્રમાણમાં શુદ્ધ અને પીવાલાયક પાણી આપવામાં આવે.