ઉમરપાડામાં આમ આદમી પાર્ટીએ આદિવાસી સમાજ વિરુદ્ધ ટિપ્પણી કરનાર સ્ટેચ્યુ ઓફ યુનિટીના નાયબ કલેકટર વિરુદ્ધ કાયદેસર એટ્રોસિટી એક્ટ હેઠળ ગુનો દાખલ કરી તેની ધરપકડ કરવામાં આવે તેવી માંગ કરી છે ઉમરપાડા ખાતે આમ આદમી પાર્ટીના પ્રમુખ ગૌરાંગ વસાવાની આગેવાની હેઠળ ફરજ પરના મામલતદારને એક આવેદનપત્ર સુપ્રત કરી જણાવવામાં આવ્યું કે સ્થાનિક પોલીસ તંત્ર અધિકારી વિરુદ્ધ એફ.આઈ.આર નોંધતી નથી જ્યારે ડી.વાય.એસ.પી સાહેબ સાથે ટેલિફોનિક વાતમાં જણાવવામાં આવે છે કે તપાસ ચાલુ છે.
પરંતુ એટ્રોસિટીના કાયદામાં સુધારા પ્રમાણે કોઈ પણ તપાસ વગર પહેલા ધરપકડ કરવી અનિવાર્ય છે. પરંતુ સ્થાનિક તંત્ર નિલેશ દુબેને છાવરતું હોય તેવું જણાઈ આવે છે ધરપકડ કરી એટ્રોસીટીનો ગુનો દાખલ કરવામાં આવે તેવી માંગ આમ આદમી પાર્ટી ઉપ પ્રમુખ બિપિનભાઈ, મહામંત્રી દિપક વસાવા, ધવલ વસાવા સંગઠન મહામંત્રી રાકેશ ભાઈ એમ, વસાવા વગેરે હોદેદારો દ્વારા કરાઈ છે.
વિનોદ મૈસુરિયા : વાંકલ
