વડોદરાની એસ.એસ.જી હોસ્પિટલમાં છેલ્લા પાંચ દિવસથી સરકારી તબીબો હડતાળ પર ઉતર્યા હતા, સરકાર સાથે વાટાઘાટો થતાં તેઓની માંગ સંતોષાય જતા આજે આ હડતાળનો અંત આવ્યો છે. તમામ ડોક્ટરો એકબીજાના મોં મીઠા કરી હડતાળ સમેટી લીધી હતી.
વડોદરાના સરકારી તબીબોની હડતાળનો અંત આવતા સયાજી હોસ્પિટલના તબીબોએ ગરબા રમી ખુશી વ્યક્ત કરી હતી. આરોગ્ય મંત્રી સાથે આજે સવારે તબીબી પ્રતિનિધિ મંડળની બેઠક મળી હતી જે બેઠકમાં તબીબોની અધુરી માંગ પૂરી કરવા માટે સરકારે તબીબોના હિતમાં નિર્ણય લીધો હતો. આજે વડોદરાના સરકારી તબીબોની હડતાળનો અંત આવ્યો હતો તમામ ડોક્ટરો એકબીજાના મોં મીઠા કરી ગરબા રમી ખુશી વ્યક્ત કરી હતી. આજથી ફરીથી ડોક્ટરો ઓપીડીમાં ઈમરજન્સી સેવાઓમાં હાજર થશે તેમ તબીબી પ્રતિનિધિ એ જણાવ્યું છે.
Advertisement
