સુરત : આંગડીયા પેઢીનો કર્મચારી પેઢીના ૧૭ લાખ રૂપિયા લઈને ફરાર.

સુરતના મહિધરપુરા વિસ્તારમાં આવેલી એક આંગડીયા પેઢીનો કર્મચારી પેઢીના ૧૭ લાખ રૂપિયા લઈને ફરાર થઈ ગયો હતો. સુરતના મહિધરપુરા વિસ્તારમાં આવેલી બાબુ કાંતિલાલ આંગડિયા પેઢીનો કર્મચારી અર્જુન ઠાકોર એક પેઢીમાંથી ૧૭ લાખ રૂપિયા લઈને બીજી પેઢીમાં આપવા નીકળ્યો હતો પરંતુ રોકડા ૧૭ લાખ રૂપિયા લઈને તે ફરાર થઈ ગયો હતો. કર્મચારી અર્જુન ઠાકોર પેઢીની બીજી ઓફિસે ન પહોંચતા આંગડિયા પેઢીના સંચાલકોએ તેની શોધખોળ કરી હતી આમ છતાં તેનો કોઇ અતોપતો ન જડતાં આંગડિયા પેઢીના સંચાલકે મહિધરપુરા પોલીસ મથકે કર્મચારી વિરુદ્ધ ગુનો દાખલ કરાવ્યો હતો. મહિધરપુરા પોલીસે ફરાર અર્જુન ઠાકોરની સધન શોધખોળના ચક્રો ગતિમાન કર્યા હતા.