અંકલેશ્વરમાં ને. હા. નં.48 પર આવેલ ગોડાઉનમાંથી શંકાસ્પદ એસ.એસ.ના મુદ્દામાલ સાથે એકને ઝડપી પાડતી એલ.સી.બી.

અંકલેશ્વર ખાતે અંસાર માર્કેટના ભંગારના ગોડાઉનમાંથી બાતમીના આધારે પોલીસે શંકાસ્પદ મુદ્દામાલ સાથે એક શખસને ઝડપી પાડયો છે.

આ બનાવની મળતી માહિતી અનુસાર ભરૂચ એલસીબી પોલીસ ઇન્સ્પેક્ટર બિ. એન. સગરની સૂચના અનુસાર એલસીબીની ટીમ વહેલી સવારે અંકલેશ્વર વિસ્તારમાં પેટ્રોલિંગમાં હોય તે સમયે બાતમીના આધારે અંકલેશ્વર ને. હા. 48 ઉપર ભંગારના ગોડાઉનમાં પોલીસે દરોડો પાડતાં ગોડાઉનના માલિક દાલમિયા ઉર્ફ સઈદ નેકશેખાન પઠાણ રહે. મીરાનગર સારંગપુર અંકલેશ્વરને પોલીસે શંકાસ્પદ એસ.એસ ના પાઇપ તથા એંગલો, પ્લેટો જેનું કુલ વજન 1900 કિ.ગ્રા કિંમત રૂપિયા 66,500 ના મુદ્દામાલ સાથે ઝડપી લઈ એલસીબી પોલીસે કાયદેસરની કાર્યવાહી હાથધરી ગોડાઉન માલિક મુદ્દામાલ ક્યાંથી લાવ્યો હોય અને ક્યાંય મોકલવાનો હોય તે સહિતની વિગતોનો તાગ મેળવવા પોલીસે ચક્રો ગતિમાન કર્યા છે.