વડોદરા હાઇવે પરથી રબરની સીટોના માલની આડમા આઇસર ટેમ્પોમાં લાવવામાં આવેલ રૂપિયા પાંચ લાખથી વધુના વિદેશી દારૂના મુદ્દામાલને વડોદરાની શહેર ક્રાઇમ બ્રાન્ચની ટીમે ઝડપી પાડયો છે.
પ્રાપ્ત વિગતો અનુસાર ગત રાત્રિના શહેર ક્રાઇમ બ્રાન્ચની ટીમ પેટ્રોલિંગમાં હતી તે સમયે બાતમી મળેલ કે નેશનલ હાઈવે તરસાલી ચોકડી પાસે સિદ્ધેશ્વર હિલ એપાર્ટમેન્ટ પાસે જઇ તપાસ કરતાં ટેમ્પોમાં રબરની સીટોને માલની આડમાં વિદેશી દારૂની હેરાફેરી કરતો હોય આ બાતમીના આધારે પોલીસે સ્થળ પર દરોડો પાડતા નેશનલ હાઈવે રોડની સાઈડમાં આઈસર ટેમ્પો નં. MH-04-Dk- 1867 ની તલાશી લેતા અંદર તાડપત્રી ખોલી રબરની સીટોના માલની આડમા મેકડોવેલ્સ નંબર વન અને ઇમ્પીરીયલ બ્રાન્ડની ઈંગ્લીશ દારૂની બોટલો નંગ 2208 કિંમત રૂપિયા 5,08,800, રબરની જુદી-જુદી સીટો 130 કિંમત રૂપિયા 30000 તથા આઈસર ટેમ્પો કિંમત રૂ 1,50,000-/- સહિતનો મુદ્દામાલ શહેર ક્રાઇમ બ્રાન્ચની ટીમે ઝડપી લઇ પોલીસ દરોડા દરમિયાન નાસી છુટેલ ટેમ્પો ચાલકને શોધી કાઢવા માટે એલસીબી પોલીસે ચક્રોગતિમાન કર્યા છે.
