આજરોજ ભરૂચ જિલ્લા મહિલા કોંગ્રેસ સમિતિ દ્વારા શહેરના પાંચબત્તી વિસ્તારમાં કેન્દ્ર સરકારની સામે વિરોધ પ્રદર્શનનો એક કાર્યક્રમ યોજ્યો હતો.
મહિલા કોંગ્રેસની બહેનોએ આક્ષેપ કર્યા હતા કે મોંઘવારી નાથવામાં કેન્દ્રની મોદી સરકાર તદ્દન નિષ્ફળ નીવડી છે, અને રોજબરોજ રાંધણગેસ સહિતની વસ્તુઓમાં ભાવ વધારો નોંધાઈ રહ્યો છે, ત્યારે વધુ એકવાર ગેસ સિલિન્ડરના ભાવમાં રૂપિયા ૫૦ નો વધારો થયો છે, જેને લઈ આજે મહિલા કોંગ્રેસ દ્વારા શહેરના પાંચબતી વિસ્તારમાં ગોબરના છાણા અને લાકડા લઇ અનોખી રીતે મોંઘવારીનો વિરોધ પ્રદર્શન કરવામાં આવ્યું હતું, મહિલા કોંગ્રેસની બહેનોએ પાંચબત્તી સર્કલ ખાતે ભેગી થઇ કેન્દ્ર સરકાર સામે ઉગ્ર સૂત્રોચ્ચાર કર્યા હતા. જે બાદ પોલીસે વિરોધ કરી રહેલ તમામ મહિલા કાર્યકરોની અટકાયત કરી હતી.
હારુન પટેલ : ભરૂચ
Advertisement
