પ્રાપ્ત વિગતો અનુસાર સમગ્ર જિલ્લો જ નહીં પરંતુ સમગ્ર રાજયમાં અતિવૃષ્ટિનો માહોલ છે. સાર્વત્રિક વરસાદના કારણે જૂના વૃક્ષો ધરાશાયી થવાના બનાવો બનવા પામ્યા છે.
વડોદરાના ફતેગંજ રંગોળી હોટલ પાસે એક વિશાળકાય વૃક્ષ પડવાની ઘટના બની હતી. સદનસીબે કોઈ જાનહાનિના સમાચાર મળ્યા નથી. પરંતુ વૃક્ષ પડવાથી વૃક્ષ નીચે મૂકેલા વાહનો તથા લારી-ગલ્લાઓને નુકસાન થયું છે. કહેવાય છે કે આ વૃક્ષ આશરે 100 વર્ષ જૂનું હતું, વરસાદના કારણે વૃક્ષના નબળા પડેલા મૂળ નાજુક થઈ જતાં વૃક્ષ ધરાશાયી થયું હતું. બનાવના પગલે ફાયરબ્રિગેડના જવાનો તાબડતોડ ઘટના સ્થળે પહોંચી કામ હાથમાં લેવાની તજવીજ કરી છે. ફાયરબ્રિગેડના જવાનો દ્વારા જેસીબી મશીનથી વૃક્ષને ખસેડી પરિસ્થિતીને ઠારવામાં સહયોગ આપ્યો હતો.
Advertisement
