વડોદરા ખાતે તંત્રની ઘોર બેદરકારી સામે આવી છે, જ્યાં એસ.એસ.જી હોસ્પિટલ કંપાઉન્ડમાં આવેલ કચરા પેટીમાંથી ઉભરાયેલ બાયોમેડિકલ વેસ્ટ ગાય ખાતી હોય તેવા દ્રશ્યો સોશિયલ મીડિયામાં વાયરલ થયા છે, હોસ્પિટલ કંપાઉન્ડમાં જ જાહેરમાં બાયોમેડિકલ વેસ્ટનો યોગ્ય નિકાલ ન કરી જે તે જગ્યા એ નાખવામાં આવતા રોગચાળો ફાટી નીકળે તેવી દહેશત સ્થાનિકો સેવી રહ્યા છે.
એસએસજીની અંદરની કચરાપેટીમાં બાયોમેડિકલ વેસ્ટ ખાતી ગાયનો વિડિયો સામે આવતા હોસ્પિટલ તંત્ર સામે સવાલો ઉભા થયા છે, આખરે આટલા મોટા પ્રમાણમાં બાયોમેડિકલ વેસ્ટનો જથ્થો કોણે અને કોના કહેવા પર આ રીતે જાહેરમાં ઠલવાય છે તેવા સવાલો પણ તંત્ર સામે ઊભા થઈ રહ્યા છે, જાહેરમાં જ હોસ્પિટલ પરિસરમાં રોડ પર બાયોમેડિકલ વેસ્ટ પડી રહ્યો છે જે બાયોમેડિકલ વેસ્ટ ગાયો ખાઇ રહી છે અને ગંભીર બીમારી થાય તેવી સ્થિતિનું સર્જન થઈ શકે છે.
Advertisement
