ગુજરાત વિધાનસભાની ચૂંટણી જેમ જેમ નજીક આવતી જાય છે તેમ તેમ રાજ્યમાં રાજકિય માહોલ જામી રહ્યો છે, ગુજરાતમાં ચૂંટણી પ્રચાર માટેની કવાયત પણ વિવિધ રાજકીય પક્ષો એ તેજ કરી છે, ચૂંટણી પ્રચારમાં પ્રજા વચ્ચે જાણીતા ચહેરાઓને ઉતારવાની રણનીતિ પણ વિવિધ પક્ષોના કાર્યલયમાં ઘડાઇ રહી હોવાનું ચર્ચાઇ રહ્યું છે.
ગુજરાત વિધાનસભાની ચૂંટણીઓ પહેલા જ્યાં એક તરફ વિવિધ રાજકીય પક્ષોના રાષ્ટ્રિય નેતાઓએ ગુજરાતના આંટા ફેરા વધાર્યા છે તો બીજી તરફ હવે સ્ટાર પ્રચારકોને પણ ગુજરાતની ચૂંટણીમાં પ્રજા વચ્ચે મોકલી પક્ષના ઉમેદવારને જીત મળે અને મત માટેની અપીલ કરાય તેવી રણનીતિઓમાં રાજકિય પક્ષો લાગ્યા હોવાનું માનવામાં આવી રહ્યું છે.
આગામી માસ એટલે કે ઓક્ટોબરથી નવેમ્બર સુધીના સમયગાળા દરમિયાન મોટાભાગના પક્ષના સ્ટાર પ્રચારકો ગુજરાતની વિવિધ વિધાનસભા વિસ્તારોમાં ફરી જે તે ઉમેદવારો માટે મત માંગતા દેખાય તેવી રણનીતિઓને પ્રદેશના કાર્યાલયોમાં આખરી ઓપ અપાઈ રહ્યો હોવાનું ચર્ચાઈ રહ્યું છે, સ્ટાર પ્રચારકોમાં નામાંકિત રાજકીય ચહેરાઓ, ફિલ્મ લાઈન સાથે સંકળાયેલા એકટરો સહિત લોકોમાં નામના ધરાવતા તમામ એવા વ્યક્તિઓને ચૂંટણીના રણમાં મત માટેની અપીલ અને જેતે વિસ્તારોમાં રોડ શો સહિત સભાઓ અંગેની તારીખો જે તે પક્ષો એ રણનીતી મુજબ ઘડી કાઢી હોવાનું ચર્ચાઈ રહ્યું છે.
હારુન પટેલ : ભરૂચ
મો. : 99252 22744
