ભરૂચ જિલ્લામાં તહેવારો ટાળે બુટલેગરો માથું ઉચકતા હોય તેમ એક બાદ એક સ્થળેથી પોલીસે દરોડા પાડી લાખોની કિંમતનો ભારતીય બનાવટનો વિદેશી શરાબનો જથ્થો છેલ્લા એક માસમાં ઝડપી પાડ્યો છે, તેવામાં તહેવારો વચ્ચે નશાનો વેપલો ધમધમાવવા ભરૂચ તરફ લઇને આવતી એક સ્વીફ્ટ કારમાંથી મોટા પ્રમાણમાં શરાબનો જથ્થો ક્રાઇમ બ્રાંચે ઝડપી પાડ્યો છે.
ક્રાઇમ બ્રાંચના કર્મીઓ પેટ્રોલીંગમાં હતા દરમિયાન મળેલ બતમીના આધારે ભરૂચ જિલ્લાના વાલિયા રોડ પર આવેલ કોંઢ ગામ નજીક રોડની બાજુમાં પાર્ક કરેલ સિલ્વર કલરની સ્વીફ્ટ ગાડી નંબર GJ,27,BE 7137 માં ક્રાઇમ બ્રાંચના કર્મીઓએ તલાશી લેતા ગાડીમાંથી ભારતીય બનાવટની વિદેશી શરાબની નાનીમોટી કુલ ૧૫૧૧ બોટલ કિંમત રૂપિયા ૧,૫૭,૦૮૦ ના મુદ્દામાલને પકડી પાડી મામલે આરોપી જીગ્નેશ ઉર્ફે રાજુ આમલેટવાળા રહે,અયોધ્યા નગર ભરૂચ નાઓને વોન્ટેડ જાહેર કરી કુલ ૩,૫૭,૦૮૦ નો મુદ્દામાલ કબ્જે કરી મામલે કાયદેસરની કાર્યવાહી હાથધરી છે.
અત્રે ઉલ્લેખનીય છે કે દિવાળીના તહેવારો પહેલા ભરૂચ જિલ્લામાં ફરી એક વાર બુટલેગરોએ માથું ઊંચકી પોતાના નશાના કારોબારને વિકસાવવાની નેમ પકડી હોય તેમ જિલ્લામાં એક બાદ એક પોલીસ મથકોમાં ઝડપાઇ રહેલા શરાબના જાથાઓ ઉપરથી કહી શકાય તેમ છે,તેવામાં નશાના વેપલો કરતા તત્વો સામે ભરૂચ જિલ્લા પોલીસ વિભાગ પણ તેઓના કારનામા ઓને ડામવા માટે કંઇક અંશે સફળ બની રહી છે.
