વડોદરામાં ડ્રગ્સની હેરાફેરીનું વધુ એક નેટવર્ક પકડાયું છે. જેમાં પોલીસે નવસારીના ડ્રગ્સ પેડલર પાસે રૂ 7 લાખની કિંમતનું ડ્રગ્સ કબ્જે કર્યું છે. નવસારીનો શાહરુખ ખાન પઠાણ નાગરવાડાના ગીતાંજલી એપાર્ટમેન્ટના પાર્કિંગમાં ડ્રગ્સ વેચવા આવનાર છે તેવી વિગતોને પગલે એસ.ઓ.જી.ની ટીમે ગઈકાલે સાંજે વોચ રાખી હતી.
પોલીસે તેમને મળેલી માહિતી વર્ણન વાળા શંકાસ્પદ શખ્સને તપાસતા તેની પાસેથી રૂ. સાત લાખ ઉપરાંતની કિંમતનું 70 ગ્રામ એમડી ડ્રગ્સ મળી આવ્યું હતું. પોલીસે પૂછપરછ કરતા પકડાયેલા ડ્રગ્સ પેડલરનું નામ શાહરુખ ખાન સરવર ખાન પઠાણ (અમિતભાઈ ચાવી વાલાના મકાનમાં, ટાટા સ્કૂલ સામે નવસારી, મૂળ રહે. ગીતાંજલી એપાર્ટમેન્ટ, નાગરવાડા) હોવાનું ખુલ્યું હતું. ડ્રગ્સ પેડર પાસે રોકડા રૂ.1210 અને મોબાઈલ મળી આવ્યા હતા. અગાઉ તેની દારૂ તેમજ જુગાર જેવા સાત ગુનાઓમાં સંડોવણી હોવાનું પણ ખુલ્યું હતું.
