નેત્રંગ પોલીસ મથકના પી.એસ.આઈ.કે.એન.વાઘેલાને બાતમી મળી હતી કે હાથાકુંડી ગામમાં રહેતો દિનેશ ગોનાભાઇ વસાવા ગામના જયંતી પટેલનાં શેરડીના ખેતરના શેઢા ઉપર આંબાના ઝાડ નીચે બહારથી માણસો બોલાવી જુગારધામ ચલાવે છે જે બાતમીના આધારે પોલીસે દરોડા પાડ્યા હતા પોલીસના દરોડાને પગલે જુગારીયાઓમાં નાસભાગ મચી જવા પામી હતી. પોલીસે સ્થળ પરથી રોકડા 12 હજાર અને બે મોટર સાઈકલ મળી કુલ 37 હજારથી વધુનો મુદ્દામાલ કબજે કર્યો હતો અને હાથાકુંડીના નિશાળ ફળીયુમાં રહેતો જુગારી જીગ્નેશ ઉર્ફે જીગો ચીમન વસાવા, નરવેશ અમરસીંગ વસાવા, રીકેશ દામજી વસાવા અને નરોત્તમ પારસીંગ કટવાળીયા, દિનેશ ગોના વસાવા, જયેન્દ્ર ઉર્ફે બોળો રમેશ વસાવા તેમજ સુકરીયા ફુલજી વસાવા, માનસીંગ સેધળ વસાવાને ઝડપી પાડી વધુ તપાસ હાથ ધરી છે.
Advertisement
