વડોદરા શહેરના કારેલીબાગ વિસ્તારમાં આવેલા તુલસીવાડી વિસ્તારમાં આજે વહેલી સવારે એસ.ઓ.જી દ્વારા દરોડા પાડવામાં આવ્યા હતા જેમાં તુલસીવાડીના રોશનનગરના બે મજલી મકાનમાં એમડી ડ્રગ્સ સાથે એક વ્યક્તિની અટકાયત થઈ હોવાનું જાણવા મળે છે જેની વધુ તપાસ માટે એસઓજી, એએફએસએલની મદદ પણ લીધી છે.
ઇન્ટરનેશન ડ્રગ્સ વિરોધી દિવસને ધ્યાનમાં રાખી વડોદરા SOG દ્વારા દરોડા પાડવામાં આવ્યા હતા. કારેલીબાગના રોશન નગર વિસ્તારમાં SOG એ દરોડો પાડયો હતો. પ્રાથમિક માહિતી પ્રમાણે SOG એ MD ડ્રગ્સનો જથ્થો ઝડપી પાડ્યો હતો અને બે વ્યક્તિની પૂછપરછ હાથ ધરી છે. સ્થાનિક કારેલીબાગ પોલીસ ઊંઘતી રહી અને SOG એ ડ્રગ્સ ઝડપી પાડ્યું હતું. વડોદરા શહેર SOG દ્વારા દરોડાની કામગીરી ચાલી રહી છે જેમાં એક આરોપીની અટકાયત કરવામાં આવી છે.એમ.ડી ડ્રગ્સનો જથ્થો ક્યાંથી લાવવામાં આવ્યો હતો અને કેટલા સમયથી ધંધો કરવામાં આવી રહ્યો તે અંગે આરોપીની પૂછપરછ હાથ ધરી છે.
