વડોદરાના કરજણમાંથી એક ચોંકાવનારી ઘટના સામે આવી છે. જૂના બજાર વિસ્તારમાં મહમંદ નગરી કેનાલ પાસે એક યુવકે પોતાની જ બાઇકને સળગાવી દીધી હતી. અહેવાલ મુજબ, માતાએ દારૂ માટે રૂપિયા આપવાની ના પાડી દેતા યુવક ગુસ્સે ભરાયો હતો અને પોતાની જ નવી બાઇકને સળગાવી દીધી હતી. બાઇકના હપ્તા પણ બાકી હોવાનું સામે આવ્યું છે. બાઇક સળગી હોવાનો એક વીડિયો પણ સોશિયલ મીડિયા પર વાયરલ થયો છે. આ મામલે પોલીસે તપાસ આદરી છે.
મીડિયા રિપોર્ટ મુજબ, વડોદરાના કરજણના જૂના બજાર વિસ્તારના આવાસમાં એક ચોંકાવનારી ઘટનાનો વીડિયો સોશિયલ મીડિયા પર હાલ વાયરલ થયો છે. દારૂના નશાના રવાડે ચઢેલા એક યુવકે પોતાની માતા પાસે જ્યારે દારૂ પીવા માટે રૂપિયા માંગ્યા તો માતાએ આપવાની ના પાડી દીધી હતી. આથી ગુસ્સે ભરાયેલા યુવકે મહમંદ નગરી કેનાલ પાસે જઈ પોતાની જ નવી લીધેલી બાઇકને આગ ચાંપી દીધી હતી.
માહિતી મુજબ, આ બાઇક યુવક હપ્તેથી લાવ્યો હતો. બાઇકના હપ્તા હાલ પણ ચાલુ છે. જ્યારે યુવકે દારૂના નશા માટે પોતાની જ બાઈકને સળગાવી દઈ પોતાનું જ નુકસાન કર્યું હતું. બાઇક સળગાવવાનો એક વીડિયો સોશિયલ મીડિયા પર વાયરલ થયો છે. આ મામલો સામે આવતા પોલીસે તે યુવકની શોધ આદરી વધુ તપાસ હાથ ધરી છે. હાલ યુવક કોણ છે તે અંગે તપાસ કરાઈ રહી છે.
