ભરૂચ જિલ્લામાં ચાલુ વર્ષે આગ લાગવાની અનેકો ઘટનાઓ પ્રકાશમાં આવી ચુકી છે, જિલ્લામાં ખાસ કરી ઔધોગિક એક્મોમાં છાશવારે આગ ભભુકી ઉઠતી હોય છે, તેવામાં વધુ એક અગ્નિ તાંડવની ઘટના જંબુસર પંથકમાંથી સામે આવી છે.
જંબુસર તાલુકાના અણખી ચોકડીથી વાવલી જવાનાં માર્ગ ઉપર આવેલ રીએક્ટિવ પોલીમર્સ નામની સોફા બનાવતી ફેક્ટરીમાં અચાનક આગ ફાટી નીકળતા ઉપસ્થિત લોકોમાં નાશભાગ મચી હતી, જોત જોતામાં ધુમાડાના ગોટે ગોટા સાથે આગની જવાળાઓએ જોર પકડ્યું હતું.
Advertisement
ઘટના અંગેની જાણ ફાયર વિભાગમાં કરવામાં આવતા ફાયરના લાશકરોએ લાયબંબા સાથે તાત્કાલિક સ્થળ ઉપર દોડી જઈ આગની જવાળાઓ ઉપર પણીનો મારો ચલાવી તેને કાબુમાં લીધી હતી, હાલ આ આગ ક્યાં કારણસર લાગી છે તે બાબત સ્પષ્ટ થઈ શકી ન હતી, જોકે આગની ઘટનામાં કંપનીમાં મોટી નુકશાની થઈ હોવાની ભીટી સેવાઈ રહી છે.
