ભરૂચની નર્મદા નદી પર નવા બનેલા બ્રિજ ખાતે ગુડસ ટ્રેનનું સફળ ટ્રાયલ કરાયું

દીલ્હી અને મુંબઇ વચ્ચે ફ્રેઇટ કોરીડોરની કામગીરી ઝડપથી આગળ વધી રહી છે અને ભરૂચની નર્મદા નદી પર નવા બ્રિજનું નિર્માણ કરવામાં આવ્યું છે. સોમવારના રોજ બ્રિજ પરથી 120 કિમી પ્રતિ કલાકની ઝડપે ગુડસ ટ્રેન પસાર કરી ટ્રાયલ લેવામાં આવ્યું હતું. ગુડસ પહેલાં 120 ની ઝડપે માત્ર એન્જિન પસાર કરાયું હતું. માલસામાનની સરળતાથી હેરાફેરી માટે આ ફ્રેઇટ કોરીડોરનું નિર્માણ કરાઇ રહયું છે અને આ ટ્રેક પરથી ડબલ ડેકર ગુડસ ટ્રેન પસાર કરવાનું પણ આયોજન છે.