અંકલેશ્વર નેશનલ હાઇવે 48 ઉપર સહયોગ હોટલના કંમ્પાઉન્ડમાંથી વિદેશી દારૂ તેમજ બિયર ભરેલ આઈસર ટેમ્પો ઝડપાયો

ભરૂચ જિલ્લામાં નશાનો વેપલો ધમધમાવતા તત્વો સામે પોલીસ વિભાગે સતત દરોડા પાડી તેઓના નાપાક માનસુબાને નાકામ કરવાની સફળ કામગીરી હાથધરી છે તેવામાં ભરૂચ જિલ્લાના અંકલેશ્વર બી ડિવિઝન પોલીસ મથકના કર્મીઓને સફળતા હાંસિલ થઈ હતી.

અંકલેશ્વર બી ડિવિઝન પોલીસ મથકના કર્મીઓ પેટ્રોલિંગમાં હતા દરમ્યાન મળેલ બાતમીના આધારે નેશનલ હાઇવે 48 ઉપર આવેલ સહયોગ હોટલના કંપાઉન્ડના પાર્કિંગમાં ઉભેલ એક મહારાષ્ટ્ર પાર્સિંગના આઈસર ટેમ્પોની તલાસી લીધી હતી તે દરમ્યાન તેમાંથી બિયર તેમજ દારૂનો મોટો જથ્થો ઝડપાઈ આવ્યો હતો.

પ્રાથમિક જાણકારી મુજબ આ દારૂનો જથ્થો કોઈક ખાનગી કંપનીના પાઉડરમાં જથ્થા વચ્ચે સંતાડી લઈ જવામાં આવી રહ્યો હતો પરંતુ બુટલેગરોનો આ નાપાક નશાનો કીમિયો કામ ન લાગ્યો આને આખરે અંકલેશ્વર બી ડિવિઝન પોલીસે લાખોના મુદ્દામાલ સાથે આઈસર ટેમ્પો ચાલકની ધરપકડ કરી તેની સામે કાયદેસરની કાર્યવાહી હાથ ધરવામાં આવતા બુટલેગરો અને નશાનો વેપલો કરતા તત્વોમાં વધુ એકવાર ભરૂચ જિલ્લામાં ફફડાટનો માહોલ છવાયો છે.