ભરૂચમાં પટેલ સુપર માર્કેટમાં ડો. દિલીપશાહના દવાખાનાની ઉપર બનેલી ઘટના
ભરૂચ.
ભરૂચ શહેરના પટેલ સુપર માર્કેટ વિસ્તારમાં આવેલાં ડો. દિલીપ શાહના દવાખાનાની ઉપર આવેલાં ફ્લેટ નંબર 3 અને 4માં 71 વર્ષના રંજનબેન પ્રકાશભાઇ અટાલીયા રહે છે. તેઓએ ગત 17મીએ સવારે સાડા-દશેક વાગ્યાના અરસામાં તેમના ફ્લેટ નંબર 4ના ઘરનું રોજીંદુ કામ પુર્ણ કરી તેમણે તેમના 4 નંબરના ફ્લેટને તાળું મારી 3 નંબરના બીજા ફ્લેટમાં ગયાં હતાં. જે બાદ સાંજના સમયે તેઓ કામ અર્થે 4 નંબરના ફ્લેટમાં આવતાં તેનું તાળું તુટેલું જણાયું હતું. તેમણે ઘરમાં જઇ તપાસ કરતાં તેમની સામાન મુકવાની પતરાની પેટીનું તાળું પણ તુટેલું હતું તેમજતેમાંથી સોનાની 4 બંગડી, સોનાની બે ચેઇન, સોનાના બે કંગન, સોનાની 6 નંગ ચુડી, ચાંદીનો એક કંદોરો, ચાંદીની થાળી-વાટકીનો એક સેટ તેમજ 1.50 લાખ રૂપિય રોકડા મળી કુલ 12.35 લાખની વધુની મત્તાની ચોરી કરી તસ્કરો ફરાર થઇગયાં હતાં. ઘટનાની જાણ કરતાં ભરૂચ એ ડિવિઝન પોલીસનો કાફલો સ્થળ પર દોડી આવી રંજનબેન અટાલિયાની ફરિયાદના આધારે ગુનો નોંધી આગળની કાર્યવાહી હાથ ધરી છે.
