પહેલાં બાઇક સવારોને ટક્કર મારી બાદમાં વચ્ચે કેમ ચલાવો છો કહી માર માર્યો

જંબુસરના કાવી ભાગોળ જવાના રસ્તા પરની ઘટના
ભરૂચ.
જંબુસર તાલુકાના કાવી ગામે ગામે રહેતાં ઇમ્તિયાઝ અબ્દુલ મામલી સવારને દશેક વાગ્યે તેમના પુત્ર આસિફ તેમજ ભત્રિજા અલ્તાફ સાથે તેમની બાઇક પર કાવી ભાગોળ તરફ જઇ રહ્યાં હતાં. દરમિયાનમાં એક વાહન ચાલકે તેમને પાછળથી ટક્કર મારતાં તેઓ ગટરમાં પટકાયાં હતાં. સદનશીબે તેમને કોઇ ઇજા થઇ ન હતી તેઓ ત્યાંથી બહાર નિકળવા જઇ રહ્યાં હતાં. તે વેળાં સોએબ અલી મામલીએ તેમને અપશબ્દો ઉચ્ચારી રસ્તાની વચ્ચે કેમ વાડી ચલાવે છે કહીં તેની સાથે ઝઘડો કર્યો હતો. દરમિયાનમાં સોએબે જીપમાંથી લાકડી કાઢી લાવી તેમના પર હુમલો કર્યો હતો. સોએબ મામલીનું ઉપરાણું લઇ તેનો ભાઇ સાજીદ મામલ, ફૈજાન ઉર્ફે ભુજો કડા તથા સાહિલ નઇમ મામલીએ પણલાડકી લઇ આવી તેમને માર મારી ગંભીર ઇજાઓ પહોંચાડી હતી. ઇજાગ્રસ્તને સારવાર માટે નજીકના આરોગ્ય કેન્દ્રમાં ખસેડાયાં હતાં. બનાવ સંદર્ભે કાવી પોલીસે ગુનો નોંધી તપાસ હાથ ધરી છે.