ભરૂચના મક્તમપુર ગામે બનેલી ઘટના
ભરૂચ.
ભરૂચના મક્તમપુર ગામે ટેકરા ફળિયામાં રહેતા અજય મહેન્દ્ર વસાવા બપોરના સમયે ક્યાંક જવા માટે ઘરેથી નિકળી રહ્યો હતો. તે વેળાં આકાશ ઉર્ફે ડેટલો તેમના ઘરે આવ્યો હતો. અને તેને તારે શું કરવું છે તેમ કહીં તેમને તેની સાથે ઝઘડો કરી ઝપાઝપી કરવા લાગ઼્યો હતો. તેમજ તેના હાથમાંનું કડું કાઢી તેનાથી તેને માર મારી ઇજાઓ પહોંચાડી હતી. અરસામાં તેના કાકા મનિષ તેમજ દાદી તેને છોડવવા આવતાં તેમને પણ ઇજાઓ પહોંચાડી હતી. અરસામાં આકાશનો ભાઇ દિપક તેમજ દિપકનો સાળો ચંદ્રેશ અને નૈનેશ ઉર્ફે હનુમાન ત્યાં દોડી આવતાં તેઓએ મળી તેમને માર મારી ગંભીર ઇજાઓ પહોંચાડતાં તેને સારવાર માટે ભરૂચની સિવિલ હોસ્પિટલમાં ખસેડવામાં આવ્યો હતો. ઉલ્લેખનિય છે કે, અજયને દિપકની પત્ની તેજલ સાથે આડો સંબંધ હોવાની શંકાએ તેઓએ એકસંપ થઇ તેને માર મારી ઇજાઓ પહોંચાડી હોવાનું તેણે જણાવ્યું હતું. બનાવ સંદર્ભે ભરૂચ એ ડિવિઝન પોલીસ મથકે ફરિયાદ નોંધાવી હતી.
