ભરૂચ: પોદાર જમ્બો કિડ્સ – કસક ખાતે શાળા પરિસરમાં ક્રિસમસ પર્વ આનંદ, ઉત્સાહ અને ઉલ્લાસભર્યા માહોલમાં ઉજવવામાં આવ્યો. સમગ્ર શાળા પરિસર ખુશી અને તહેવારના રંગોથી સરોબાર બન્યું હતું, જેના કારણે બાળકો, માતા-પિતા તેમજ સ્ટાફ માટે આ કાર્યક્રમ યાદગાર બન્યો હતો.
આ પ્રસંગે બાળકો માટે “પાસપોર્ટ સાથે દેશોનો પ્રવાસ” જેવી નવીન અને શૈક્ષણિક પ્રવૃત્તિ, ટેટૂ સ્ટેશન, વિવિધ મનોરંજક રમતો, ફૂડ સ્ટોલ્સ તથા પોપકોર્ન સાથેની શોર્ટ ફિલ્મ જેવી આકર્ષક પ્રવૃત્તિઓનું આયોજન કરવામાં આવ્યું હતું.
શાળા પરિસરને ક્રિસમસની ભાવનાને પ્રતિબિંબિત કરે તે રીતે સુંદર રીતે સજાવવામાં આવ્યું હતું. બાળકો અને તેમના માતા પિતાએ તમામ પ્રવૃત્તિઓમાં ઉત્સાહપૂર્વક ભાગ લીધો અને આનંદભર્યા પળો માણ્યા. આ કાર્યક્રમ દ્વારા શાળાની આનંદમય શિક્ષણ પદ્ધતિ અને બાળકોના સર્વાંગી વિકાસ પ્રત્યેની પ્રતિબદ્ધતા ઉજાગર થઈ. માતા-પિતાની ઉપસ્થિતિ અને સહકારથી કાર્યક્રમ સફળ રહ્યો.
પોદાર જમ્બો કિડ્સ – કસક દ્વારા આ સફળ ક્રિસમસ ઉજવણી માટે તમામ માતા-પિતા, શિક્ષકો અને સ્ટાફનો હાર્દિક આભાર વ્યક્ત કરવામાં આવ્યો.
