ભરૂચ.
ભરૂચ તાલુકામાં આવેલાં માચ ગામે નવીનગરી વિસ્તારમાં રહેતાં દૂ૨ વર્ષીય દાઉદ ઈસ્માઈલ પટેલ તેમની પત્ની ફાતમા સાથે ઘરે હતી તે વેળા તેઓ ઘરની પાછળ વાડામાં સાફ-સફાઈ કરતાં હતા. તે વેળાં તેમના ગામના મુનાફ ઈબ્રાહીમ હાથીયા, આમદ ઈબ્રાહિમ હાથીયા, ઈબ્રાહિમ મુસા હાથીયા તેમજ અજીમા મુનાફ હાથીયા તેમના વાડામાં દોડી આવ્યાં હતાં. તેમજ તેઓએ તેમને ધમકાવતાં જણાવ્યું કે, આ વાડામાં આમલીનું ઝાડ અમારું છે. તમે કેમ ત્યાં સુધી સાહ-સફાઈ કરવા આવો છો તેમ કહી તેમને અપશબ્દો ઉચ્ચારતા હતાં. જેથી તેમને અપશબ્દો ઉચ્ચારવાની ના પાડતાં તેઓએ ડાંગનો સપાટો લાવી તેમના પર હુમલો કરી ગંભીર ઈજાઓ પહોંચાડી હતી. તેમની પત્નીને પણ ઈજાઓ થઈ હતી. દરમિયાનમાં તેમના ઝઘડાનો અવાજ સાંભળી તેમના નાના ભાઈ ઈમ્તિયાઝ ઈસ્માઈલ પટેલ તેમને છોડવવા વચ્ચે પડતાં તેમને પણ સપાટા માર્યા હતાં. અરસામાં આસપાસના લોકોએ આવી જતાં તેઓએ તેમને જાનથી મારી નાંખવાની ધમકી આપી ત્યાંથી જતાં રહ્યાં હતાં. ઈજામસ્તોને તાત્કાલિક સારવાર માટે નજીકના આરોગ્યકેન્દ્રમાં ખસેડવામાં આવ્યાં હતાં. બનાવ સંદર્ભે તેમણે નબીપુર પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
