ભરૂચ.
ભરૂચ શહેરના ગોદી રોડ પર આવેલી રજનીગંધા સોસાયટીના કોમન પ્લોટમાં એક પ્લાટીકની થેલીમાં નવજાત બાઇકનો મૃતદેહ ભરી ત્યજી દીધેલી હાલતમાં મળી આવતાં ભારે ચકચાર જાગી હતી. બનાવને પગલે એ ડિવિઝન પોલીસે ગુનો નોંધી મૃત નવજાતના વાલીવારસોને શોધી તેમની સામે કાર્યવાહી કરવાની કવાયત હાથ ધરી છે.
ભરૂચ શહેરના ગોદી રોડ વિસ્તારમાં આવેલી રજનીગંધા સોસાયટીમાં રહેતાં સ્વિટીબેન અંકિત પરમાર તેમના ઘરે હતાં. તે વેળાં તેમના ઘરના સામે રહેતાં નિર્મલાબેન સુંદરભાઇ રાણાએ તેમને જણાવ્યું હતું કે, આપણા ઘરની બાજુમાં આવેલાં કોમન પ્લોટમાં એક નવજાત બાળક પડેલ છે. જેથી તેઓ તુરંત કોમન પ્લોટમાં જઇ જોતાં સોનતલાવડી ઝૂપડપટ્ટીની કંપાઉન્ડ વોલની દિવાલ પાસે એક પ્લાસ્ટીકની થેલીમાં મરણ ગયેલ હાલતમાં એક નવજાત બાળક પડેલું હતું. જેથી તેમણે તુરંત 112ને ફોન કરતાં પોલીસે દોડી આવી મૃત નવજાત બાળકના દેહને હોસ્પીટલમાં ખસેડી નવજાત બાળકના માતા-પિતા સહિત તેમના સગાસંબંધીઓ દ્વારા બાળકના મૃતદેહને છુપાવવા માટે કે અન્ય કોઇ રીતે નિકાલ કરવાના ઇરાદે તેમજ બાળકના જન્મ અંગેની માહિતી છુપાવવાના ઇરાદે તેનો આ રીતે નિકાલ કરાયો હોવાની શક્યતા સાથે ભરૂચ એ ડિવિઝન પોલીસે ગુનો નોંધી મૃતક બાઇકના દેહને આ રીતે બિનવારસી રીતે નિકાલ કરવાના કારસામાં સંડોવાયેલાં માતા-પિતા તેમજ સગાસંબંધીઓ અંગેની તપાસ શરૂ કરી છે.
