ભરૂચ એલ.સી.બી. નો આઇ.પી.એલ. પર સટ્ટો રમાડતાં નબીપુરનાં મકાન  પર છાપો – ૨ ફરાર….

ભરૂચ એલ.સી.બી. પોલિસે બાતમીનાં આધારે નબીપુર ગામે એક ઇસમનાં ઘરે છાપો મારતાં      આઇ.પી.એલ પર સટ્ટો રમાડવાનું કૌભાંડ ઝડપાયું છે. ૨ આરોપી ફરાર થઇ ગયા છે.

ભરૂચ એલ.સી.બી.નાં ઇન્ચાર્જ પી.આઇ.  કે.જે. તરડે સ્ટાફ સાથે બાતમીનાં આધારે નબીપુર રેલ્વેફાટક પાસે ભડ સ્ટ્રીટમાં આવેલા સલીમ અફીણવાળાનાં ઘરે રેઇડ કરતાં નબીપુરનાં જ રહીશ ગુલામ મુસા અહેમદ મદારી અને સુલેમાન ઉર્ફે સોલી આદમ પટેલ ઘટનાસ્થળેથી નાસી છુટ્યા હતાં.પોલિસે મકાન માંથી બે ટીવી, સેટ અપ બોક્સ, ૭ મોબાઇલ વગેરે મળી કુલ ૩૭,૮૦૦/-નો મુદ્દામાલ જપ્ત કરી મકાનમાલિક સલીમ અફિણવાળા તથા બંને આરોપીઓ વિરૂધ્ધ જુગારધારાની કલમ હેઠળ ગુનો નોંધી વધુ તપાસ હાથ ધરી છે.