અંકલેશ્વર તાલુકાના ઉમરવાડા ગામની સીમમાં વિદેશી દારૂનો જથ્થો સંતાડ્યો હોવાની ડી સ્ટાફને જાણ થતાં બુધારની મોડી રાત્રે ડી સ્ટાફ અને અંકલેશ્વર શહેર પોલીસે બાતમી વાળી જગ્યા ઉપર સર્ચ ઓપરેશન હાથ ધર્યું હતું. જેમાં ઉમરવાડા ગામ તરફ જવાના રસ્તા ઉપર ગસ્બા વગાની સીમમાં આવેલા બાવળીયામાંથી વિદેશી દારૂની પેટીઓ સંતાડેલી મળી આવી હતી.
Advertisement
જેનો કબજો લઈ પોલીસ મથકે લવાતાં કુલ નંગ 6280 બેટલ જેની કિંમત રૂપિયા 6.68 લાખ રૂપિયા આંકવામાં આવી હતી. આ દારૂનો જથ્થો અંકલેશ્વરનાં કાગદીવાડમાં રહેતા સુજાતખાન ઉર્ફે સંજુ બસીર ખાન પઠાણનો હોવાની પોલીસને જાણ થઈ હતી. હાલ તો પોલીસે ગુનો નોંધી સુજાતખાનની ધરપકડના ચક્રો ગતિમાન કર્યા છે.
